Svo fallegar peysur

Ég er forfallinn lopapeysuaðdáandi, lopapeysuperri er eiginlega rétta orðið enda stari ég óspart á fólk í fallegum lopapeysum, til að sjá hvernig landið liggur fyrir næstu peysu. Ljósmyndarinn Rebekka Guðleifsdóttir gerir svo fallegar lopapeysur (sjá hér) að ég á bara eiginlega engin lýsingarorð til fyrir þær. Enda þegar ég sá hana tilsýndar um daginn, í lopapeysu, þá starði ég lengi. Peysurnar hennar eru eitthvað svo léttar og nettar, litirnir svo réttir og sniðin svo fín. Og peysumyndirnar hennar konfekt fyrir lopaelskandi augað mitt.